જામનગર, તા. 09 સપ્ટેમ્બર 2020, બુધવાર
જામનગર જિલ્લાના લાલપુર તાલુકાના સણોસરા ગામ માં રહેતો એક યુવાન પોતાની વાડીના કૂવામાં પાણી સિઁચી રહ્યો હતો, જે દરમિયાન અકસ્માતે પગ લપસી જતાં કુવામાં પડી જવાના કારણે તેનું કરુણ મૃત્યુ નીપજ્યું છે.
આ બનાવની વિગત એવી છે કે લાલપુર તાલુકાના સણોસરા ગામ માં રહેતો અને ખેતીકામ કરતો કલ્પેશ જેઠાભાઇ રાઠોડ નામનો 21 વર્ષનો યુવાન ગઇકાલે પોતાની વાડીના કુવામાં પીવાનું પાણી ભરવા માટે ગાગરમાં દોરડું બાંધી કૂવામાંથી સિંચવા જઈ રહ્યો હતો, જે દરમિયાન અકસ્માતે તેનો પગ લપસી જતાં ગાગર અને દોરડા સહિત કુવામાં ખાબકયો હતો, અને ડૂબી જવાના કારણે તેનું મૃત્યુ નિપજ્યું હતું.
આ બનાવ અંગે મૃતકના પિતા જેઠાભાઈ દેવાભાઈ રાઠોડ એ પોલીસને જાણ કરતાં લાલપુર પોલીસે મૃતદેહનો કબજો સંભાળી વધુ તપાસ હાથ ધરી છે.
No comments:
Post a Comment