અમદાવાદના નવા કલેક્ટર તરીકે સંદીપ સાગલેની નિમણૂક કરાઈ

(પ્રતિનિધિ તરફથી) અમદાવાદ, તા. 5 સપ્ટેમ્બર, 2020, શનિવાર

અમદાવાદના કલેક્ટર કે.કે. નિરાલાની બદલી કરીહને ગૃહ વિભાગના વધારાના સચિવ તરીકે તેમને મૂકવામાં આવ્યા છે. અમદાવાદના કલેક્ટરને સ્થાને સંદીપ જનાર્દનપન્તી સાગલેની કલેક્ટર તરીકે નિમણૂક કરવામાં આવી છે. તેઓ સંદીપ સાગલે અત્યારે બનાસકાંઠા જિલ્લાના પાલનપુરના કલેક્ટર તરીકે સેવા આપી રહ્યા છે. 

પાટણના કલેક્ટર તરીકે સેવા આપી રહેલા આનંદ બાબુલાલ પટેલની બદલી કરીને તેમને બનાસકાંઠા જિલ્લાના પાલનપુરના કલેક્ટર તરીકે નિયુક્ત કરવામાં આવ્યા છે. અત્યાર સુધી ગાંધીનગરમાં ડાયરેક્ટર એમ્પ્લોયમેન્ટ એન્ડ ટ્રેનિંગ સેવા આપી રહેલા સુપ્રીત સિંહ ગુલાટીની પાટણના કલેક્ટર આનંદ બાબુલાલ પટેલને સ્થાને નવા કલેક્ટર તરીકે નિમણૂક કરવામાં આવી છે.

અત્યાર સુધી ડેપ્યુટેશન પર ગલેલા આલોક કુમાર પાંડેની સુપ્રીત ગુલાટીને સ્થાને ગાંધીનગરમાં ડાયરેક્ટર એમ્પ્લોયમેન્ટ એન્ડ ટ્રેનિંગ તરીકે નિમણૂક કરવામાં આવી છે. સામાન્ય વહીવટી વિભાગના એડિશનલ ચીફ સેક્રેટરી કમલ દાયાણીએ આ બદલીઓની જાહેરાત કરી છે.